HATIMA YAKO

TUMIA LEO YAKO ILI UTENGENEZE KESHO YAKO NZURI AU HATIMA YAKO


✍Mwalimu na mwandishi

👇👇👇👇

Fredrick kapaya

Mhubiri 7:8

"Heri mwisho wa neno kuliko mwanzo wake, Na mvumilivu rohoni kuliko mwenye roho ya kiburi"

Ecclesiastes 7:8

"The end of anything is better than its beginning.... "

Maana ya neno Hatima ni sawa na kusema mwisho

👉Elewa kuwa kila jambo huwa lina mwanzo wake na mwisho wake.

👉Mwanzo wa jambo unaweza ukawa mzuri au mbaya na mwisho wa jambo unaweza ukawa mzuri au mbaya.

👉Mwisho mbaya au mzuri unaweza ukachangiwa sana na mwanzo wa hilo jambo (ulianzaje?)

👉Mtu anaweza kuokoka na kuishi maisha ya wokovu ila akafa katika dhambi, hiyo hatima mbaya.

Isaya 46:10

"Nitangazaye mwisho tangu mwanzo, na tangu zamani za kale mambo yasiyotendeka bado, nikisema shauri langu litasimama, nami nitatenda mpenzi yangu yote"

Isaiah 46:10

"From the beginning i predicted the outcome,.... "

➡Mungu alipotuumba tayari ameshatuwekea hatima zetu, ila shetani anaweza kuharibu hatima ikawa mbaya.

Jambo la msingi sana

▶Ukifanya mambo sawasawa na kusudi la Mungu na kuishi maisha matakatifu hakika utakuwa na uwezo wa kuifikia hatima nzuri (mwisho)

Ufunuo 14:13

"Nikasikia sauti kutoka mbinguni ikisema, Andika,  Heri wafu wafao katika Bwana tangu sasa. Naam, asema Roho, wapate kupumnzika baada ya taabu zao, kwa kuwa matendo yao yafuatana nao"

➡Kwa tafsri hiyo hali ya kumcha Mungu katika roho na kweli husababisha ufikie hatima nzuri, kutomcha Mungu au kuwa mnafiki kunatengeza hatima mbaya.

Mhubiri 12:1

"Mkumbuke muumba wako siku za ujana wako, kabla hazijaja siku zilizo mbaya, Wala haijakaribia miaka utakaposema, mimi sina furaha katika hiyo "

💪💪Leo yako inanguvu kubwa ya kutengeza kesho itakuwaje. Unachofanya leo kizuri au kibaya kinaweza kikatengeza mwisho uwe mzuri au mbaya.

✍Mwanadamu huzaliwa, hukua na huwa mtu mzima hatimaye huzeeka.

➡Katika eneo la ujana ndilo unaweza ukalitumia sana kutengeneza kesho yako, kwa sababu unapokuwa kijana unakuwa na nguvu za kufanya kazi, au kufikiri.

Mithali 20:29

"Fahari ya vijana ni nguvu zao, Na uzuri wa wazee ni kichwa chenye mvi"

➡Ukitumia eneo la ujana vizuri unaweza kutengeneza uzee mwema. Tumia ujana wako vizuri ujifunze kuwa na hekima ili ukizeeka uwe mzee mwenye hekima.

Lakini nikienda mbali zaidi kibiblia

🌐Kila mtu analeo yake ila hakuna anayeijua kesho, ila tunaweza kutengeneza mazingira mazuri ya kufanya kesho ikawa nzuri.

👉Uwapo mzima tumia wakati vizuri kuutafuta uso wa Mungu pasipo kuchoka, ishi ukijua ya kuwa una mwisho wako.

Mwalimu Fredrick kapaya
Kapayafarajaph@gmail.com
0768226595

Mungu akubariki sana