SOMO: TATIZO LINAWEZA KUWA SI KUONA UNACHOKIONA ILA LINAWEZA KUWA NI NAMNA UNAVYOONA UNACHOKIONA




 Mwl Fredrick Kapaya

 E-mail: kapayafarajaph@gmail.com



Waefeso 1:18

"Macho ya mioyo yenu yatiwe nuru, mjue tumaini la mwito wake jinsi lilivyo na utajiri wa utukufu wa urithi wake katika watakatifu jinsi ulivyo"

Kinachotusaidia sisi kuweza kuona ni macho yetu, yanaweza kuwa ni macho ya kimwili au kiroho. Macho ya kimwili au ya nyama hutusaidia kuona katika ulimwengu huu unaoonekana lakini macho ya rohoni hutusaidia kuweza kuona katika ulimwengu wa roho.

Lakini pia upo uwezekano mkubwa sana wa macho yetu kutiwa giza tusione tunachotakiwa kuona au tukaona vibaya mambo kwenye maisha yetu. Mara nyingi sana kwenye maisha tunaweza kushindwa kufanya mambo mengi sana kwa sababu tunayaona vibaya kwa sababu hiyo tunayatafsri katika namna ya kushindwa.

Mengine huja kwa sura ya matatizo kiasi ambacho tunapoyaangalia kwa macho yetu kwa juu juu huona ni matatizo ila wengine wakienda mbali zaidi katika kutazama huona ni fursa. Kinachoweza kukutofautisha wewe na watu wengine ni namna unavyoona mambo na kuyatafsri.

Lakini pia namna tunavyoyaona mambo ndivyo ambavyo tunaweza kutengeneza nafasi kubwa ya kushinda au kushindwa. Watu wengi sana walioshinda au kushindwa hawakuanzia hapo waliposhindwa au kushinda ila walianzia ndani yao namna walivyowaza, namna walivyoona au namna walivyoamua ndani yao kabla ya kutenda.

Ni ukweli usiopingika kwamba tunatofautiana sana namna tunavyoona mambo kwenye maisha

Mfano: 

Namna alivyoona Gehazi ilikuwa ni tofauti sana na namna alivyoona Elisha.

2 Wafalme 6:15

"Hata asubuhi na mapema mtumishi wake yule mtu wa Mungu alipoondoka, na kwenda nje, kumbe! Pana jeshi la watu, na farasi na magari, wameuzingira mji ule. Mtumishi wake akamwambia, o;e wetu! Bwana wangu, tufanyaje"?  

Tunaingiwa na hofu sana kwa sababu ya namna tunavyoona mambo au changamoto. Wakati mwingie tunaona kama tuko peke yetu hakuna msaada kabisa. Gehazi namna alivyoona aliona jeshi la watu na farasi ghafla hofu iliingia ndani yake na aliona kabisa wanaagamia , kwa sababu macho yake yalikuwa yamefungwa. Kwa hiyo namna alivyoona kulifungua mlango wa hofu kuingia ndani yake.

Lakini  Elisha aliona tofauti na Gehazi ndio maana akamwambia hivi.

2 Wafalme 6:16

"Akajibu, usiogope, maana  walio pamoja nasi ni wengi kuliko wale walio pamoja nao"

Kwa  sababu hiyo tatizo lililokuwepo kwa Gehazi kiasi ambacho aliingiwa na hofu lilikuwa si kwa kile alichokiona ila ni namna alivyoona kwenye yale mazingira.

2 Wafalme 6:17

"Elisha akaomba, akasema, Ee BWANA, nakusihi, mfumbue macho yake, apate kuona BWANA akamfumbua macho yule mtumishi, naye akaona, na tazama, kile kilima kilikuwa kimejaa farasi na magari ya moto yaliyomzunguka Elisha pande zote"

Kuna maeneo mangapi? kwenye maisha yako huingiwa na hali ya kukata tamaa au kuhisi una angamia , hofu inakujaa sana. Lakini ngoja nikutie moyo pamoja na hizo changamoto unazoziona ila wewe unatakiwa kuona kuwa upo msaada wa Mungu juu yako utakao kutoa ulipo. Usiogope kabisa.

Mungu akubariki sana
Mwl Fredrick kapaya
0768226595

Comments

Post a Comment

Popular posts from this blog

HATIMA YAKO

TUMIA LEO YAKO ILI UTENGENEZE KESHO YAKO NZURI AU HATIMA YAKO ✍Mwalimu na mwandishi 👇👇👇👇 Fredrick kapaya Mhubiri 7:8 "Heri mwisho wa neno kuliko mwanzo wake, Na mvumilivu rohoni kuliko mwenye roho ya kiburi" Ecclesiastes 7:8 "The end of anything is better than its beginning.... " Maana ya neno Hatima ni sawa na kusema mwisho 👉Elewa kuwa kila jambo huwa lina mwanzo wake na mwisho wake. 👉Mwanzo wa jambo unaweza ukawa mzuri au mbaya na mwisho wa jambo unaweza ukawa mzuri au mbaya. 👉Mwisho mbaya au mzuri unaweza ukachangiwa sana na mwanzo wa hilo jambo (ulianzaje?) 👉Mtu anaweza kuokoka na kuishi maisha ya wokovu ila akafa katika dhambi, hiyo hatima mbaya. Isaya 46:10 "Nitangazaye mwisho tangu mwanzo, na tangu zamani za kale mambo yasiyotendeka bado, nikisema shauri langu litasimama, nami nitatenda mpenzi yangu yote" Isaiah 46:10 "From the beginning i predicted the outcome,.... " ➡Mungu alipotuumba tayari am...
Read more

UAMINIFU

💡 SOMO: JIFUNZE KUWA MWAMINIFU KATIKA MAISHA YAKO Na Mwl Fredrick Kapaya E-mail: kapayafarajaph@gmail.com My Missio is to teach the WORD OF GOD to all people. Nina kusalimu katika Jina la Yesu mwana wa Mungu aliye hai karibu tujifunze neno. Ufunuo  2:10 _"Usiogope mambo yatakayokupata, tazama, huyo Ibilisi atawatupa baadhi yenu gerezani ili mjaribiwe, nanyi mtakuwa na dhiki siku kumi. *Uwe mwaminifu hata kufa, nami nitakupa taji ya uzima*"_ ✍️ Katika maisha kuna vitendo vikubwa vitatu ambavyo mtu huweza pitia mpaka kufikia hatima yake. 👉 *Kuanza*  jambo 👉 Kuendelea kufanya jambo 👉 Kufikia hatim  au mwisho wa jambo. [Kuzaliwa, kuishi na kufa] 👉Eneo ninaloliwinda ni eneo la *kuishi* kwa sababu ndiko hutoa hatima ya mtu baada ya kufa kwake. *Mhubiri 7:8a* _"Heri mwisho wa neno kuliko mwanzo wake"_ 🔘 Wapo baadhi ya watu ambao katika maisha yao hapa duniani walikuwa na record nzuri, wengine walikuwa ni wahubiri wazuri, wengine walikuwa...
Read more

NAFSI ILIYOINAMA

NAFSI ILIYOINAMA Mwl Fredrick Kapaya October 2016 Nzega, Tabora Mithali 12:25   "Uzito wa moyo wa mtu huinamisha, Bali neno jema huufurahisha" Mwanadamu aliyeumbwa na Mungu amegawanyika katika mazingira au maeneo makubwa matatu ambayo ni mwili, nafsi na Roho. Nafsi ni eneo muhimu sana kwa sababu ni eneo linalohusika sana na kufanya maaamuzi ya mambo mbalimbali. Nafsi inaweza ikainama, kuinama kwa nafsi inamaana ya kupoteza matumaini ndani yako kutokana na mazingira uliyopo au unayoyapitia, au unapoona mbelea yako kama giza, wakati mwingine unafanya jambo na haufanikiwi inaweza fika eneo nafsi yako ikagoma kabisa. Shida au changamoto unazopitia zikizidi sana huwa na tabia ya kuweza kuilemea nafsi yako/kukulemea kiasi ambacho nafsi yako ikainama, ukashindwa kutazama mbele unakotakiwa kwenda kwa sababu hiyo akili yako na mawazo yako yote hukazana kufiri, kulitazama hilo gumu ulilonalo kwa mda mrefu. Mithali 12:25 "Uzito wa moyo wa...
Read more